Published: Wednesday, February 8, 2017 10:11
Познатиот пејач Џорџ Мајкл почина на 25 декември, но семејството се уште не знае кога ќе биде погребот.
Според таблоидот „Сан“, аутопсијата првично не ги дала сите одговори, а резултатите од повторените токсиколошки испитувања направени веднаш потоа, се уште не се добиени. По се, изгледа дека на нив ќе се чека уште неколку недели.
– Резултатите би требало да бидат готови до крајот на месецов. Немаме нови информации, а според полицијата, смртта на Џорџ Мајкл е сомнителна, изјави неименуван извор за списанието.
Токсиколошките резултати треба да покажат дали во моментот на смртта на пејачот, во неговото тело имало лекови, наркотици или алкохол, кои можеби ја предизвикале неговата смрт.




