Високо позиционирани советници на тогашниот кандидат за претседател на САД Доналд Трамп имале постојана комуникација со Руси, поранешни и актуелни разузнавачи, претставници на вооружените сили и на администрацијата, објави Си Ен Ен.
Сето ова се случувало за време на претседателската кампања. За сето ова и Трамп и тогашниот претседател Барак Обама биле детално информирани од страна на американското разузнавање. Високи американски претставници за Си Ен Ен повтврдиле дека овие контакти на руски оперативци со луше од кампањата на Трамп вклучиле „црвено светло“ кај америиканските служби. Комуникациите биле пресретнати за време на рутинско собирање на податоци чија цел биле руски претставници познати на американското разузнавање.
Меѓу неколкуте блиски соработници на Трамп кои ги имале овие контакти биле и тогашниот шеф на кампањата на Трамп Пол Манафорт и тогашниот советник, до вчера прв човек на националната безбедност Мајкл Флин.
Притоа од американското разузнавање нагласуваат дека ваквите контакти не се нешто невообичаено, но она што предизвикува загриженост е нивната зачестеност.
Во меѓувреме сите водечки претставници на републиканците во Конгресот се изјаснија дека се за обемна истрага против бившиот советни на Трамп Флин кој поднесе оставка поради контакти со руски претставници, во времето кога Трамп се уште не бил избран за претседател, а разговарал наводно за руските санкции што ги воведе администрацијата на Обама.
Според американските закони, приватни лица не смеат да водат дипломатски разговори.