Хрватска од утре започнува да го зема млекото од 400 фарми и секој ден ќе уништува по 70.000 литри млеко во биоплински печки.
Во исто време ќе започне обештетувањето на млекарите кои штрајкуваа изминатите денови.
Во Србија најновите резултати се уште покатастрофални од претходните, анализите покажале дури седум пати поголемо ниво на афлатоксин во млекото од дозволенто.
-Млекото не е исправно и ќе биде лицемерно јас, кој не им давам да го пијат на моите деца, тоа да го премолчам. Со ставање на вистината под тепих целата работа ќе се искомплицира и целата индустрија ќе доживее крах изјави Горан Јешиќ потпретседателот на владата на Војводина и секретар за земјоделство.
Поради зголеменото присуство на афлтоксин М1, управата за ветеринарство на Србија им нареди на млекопроизводитетите да ја фрлат целат мувлосана храна за добитокот, а наместо тоа да им се даде исправна пченка и минералот зеолит кој се користи за детоксикација на организмот.
Министерот за земјоделство Горан Кнежевиќ изјави дека не е виновен за зголеменото ниво на афлатоксин во млекото и најави дека одвај чека да биде повикан во полицијата за да каже се што знае.
Кнежевиќ му забележа на покраинскиот секретар Горан Јешиќ кој прв на твитер објави дека млекото е канцерогено дека такви работи не се соопштуваат на социјалните мрежи.
-Се надевам дека и покраинскиот секретар Горан Јешиќ ќе дојде да каже зошто прво изјави дека му бил понуден поткуп за да не ги објави резултатите од анализите, за после 20 минути да каже дека тоа го рекол во афект изјави Кнежевиќ.
Од македонската Агенцијата за храна и ветеринарство за утре најавија дека ќе бидат готови резулатите од анализите од преостанатото домашно млеко од 15 млекопроизводители, како и примероци на увозно млеко.
Сите брендови на млеко кои што во моментот се испутуваат се наоѓаат на рафтовите во продавниците, освен неколку пратки увозно млеко кај кое е најдено зголемено ниво на афлтоксин. Според надлежните канцерогените млека се наоѓаат во магацините и не стигнале до потрошувачите.
Испитувањата се вршат во лабораторијата на Ветеринарниот факултет каде што според Агенцијата методите за испитување се акредитирани.
Од организацијата на потрошувачи на Србија кои направија независни анализи, по што се утврди дека над 50 видови на млеко се канцерогени, тврдат дека никаде на просторот на поранешна СФРЈ не постои акредитирана лабораторија која со сигурност ќе ги потврди резулатите.
Погледнете што за ова изјави Горан Паповиќ првиот човек на оваа Организација.