Турската владејачка Партија на правдата и развојот (АКП) го поддржа изборот на министерот за надворешни работи Ахмет Давутоглу за нов премиер и партиски лидер, заменувајќи ја функцијата на избраниот претседател Реџеп Таип Ердоган, објавија провладините весници во Турција.
Извршниот комитет на АКП ќе заседава во четврток за официјалното избирање на заменикот на Ердоган, кој по закон треба да се откаже и од двете функции со положување свечена заклетва како шеф на државата на 28 август.
Турските весници пишуваат дека Ердоган веќе го поставил прашањето за неформално гласање на затворен состанок со високи партиски функционери оваа недела. Ердоган побарал членовите на партијата да остават плик со името на човекот кого би сакал да го видат како лидер на партијата и премиер. Резултатите покажале поддршка за Давутоглу.
Ахмет Давутоглу е лојален сојузник на Ердоган кој надворешната политика на Турција ја направи прилично агресивна, а неговите критичари го сметаат за претерано амбициозен и дури со нео-отомански ставови.