Лидерот на ДУИ, Али Ахмети денеска се сретна со амбасадорот на Европската Унија во Скопје, Аиво Орав.
Тие разговарале околу политичката ситуација во Македонија, политичкиот дијалог, меѓуетничките односи, како и интеграцијата на Македонија во ЕУ.
Ахмети истакнал дека почетокот на политичкиот дијалог во Брисел треба да се зајакне и унапреди што е можно поскоро за да се надмине политичката криза во земјата, а Европската Комисија треба директно да се вклучи со однапред одредена агенда за инволвираните страни, но исто така и да го следи судскиот процес кој ќе обезбеди кредибилитет и доверливост на сите страни, соопштуваат од кабинетот на ДУИ.
Тој исто така нагласил дека Вашингтон може да има конструктивна улога во охрабрувањето на страните за да се вклучат со цел да се надмине политичката криза.
Според него, политичките партии треба да сторат сè што можат да се фокусираат на остварување на очекувањата на граѓаните, но и да покажат подготвеност за да се осигура стабилноста и демократскиот капацитет на националните институции за да се справат со политичка криза.