Лидерот на ДУИ, Али Ахмети, од вечерашниот митинг на плоштадот Скендербег во Скопје порача дека граѓаните не треба да се плашат од Голема Албанија и дека тие не се залагале за таква држава, туку за за тоа сите Албанци да бидат дел од ЕУ и НАТО.
– Од овој плоштад им испраќам порака на сите граѓани на Република Македонија да не се плашат бидејќи ние не се залагаме за голема Албанија, туку се бориме за слободен живот на местото кое ни е оставено од нашите претци. Никој да не се плаши од албанското знаме зашто само со почитување на нашите права ние ќе бидеме лојални на државата. Никој да не се лаши ниту од Хасан Приштина зашто тој се борел за сите граѓани кои живелее на овие простори. Ние не сакаме голема Албанија, туку сакаме сите Албанци да бидат дел од ЕУ и НАТО каде ќе бидеме еднакви и ќе живееме во мир, рече Ахмети.
Покрај пораките на лидерот, на митингот зборуваат и кандидатот за градоначалникт на ДУИ за Чаир, Изет Меџити, како и кандидатот за градоначалник за Скопје, Артан Груби. Едниот се пофали со сменетите имиња на училиштата во Чаир, а од говорите не изостана ниту Кичево и прогнозите за тамошна победа.
– Ние работиме Албанците во Скопје да се чувствуваат како Албанците во Тирана и Приштина. Затоа можам со чист образ да се појавам пред вас. Апелирам да ставиме стоп на националистичките пораки за Кичево. Ние Кичево не го даваме па затоа ги повикувам и Турците и Бошњаците да ни се придружат затоа што ние ќе се грижиме за вас исто како што се грижиме и за Албанците, рече Меџити.
Кандидатот за градоначалник на Скопје Артан Груби ги повика граѓаните на локалните избори да гласаат за ДУИ и да го вратат, подвлече, Скопје на Албанците.
– На 24 март ве повикувам да го вратиме Скопје на Албанците, а Кичево повторно да се вика Ускана како што е неговото старо албанско име, рече меѓу другото Груби