Лидерот на ДУИ Али Ахмети вчера од Ресен повтори дека ДУИ ќе соработува со владиниот коалициски партнер СДСМ во неколку општини.
Тој најави дека кандидатите на ДУИ ќе ја имаат поддршката од СДСМ во Чаир, Тетово, Гостивар, Кичево, додека ДУИ ќе им даде поддршка на кандидатите на СДСМ во Скопје и Куманово.
– На овие избори ние имаме еден договор. Договорот го имаме со нашиот партнер во владата. Таму каде што немаме можност да победиме за градоначалник на општината го поддржуваме нашиот партнер, СДСМ, таму каде што тие немаат можност и шанса да победат за градоначалник како на пример во Тетово, Гостивар, Кичево, Чаир, тие не поддржуваат нас. Ние ќе ги поддржиме нив за Градот Скопје каде што ние не можеме да победиме, но имаме голем капацитет на гласови од 35 илјади. Во Куманово ние немаме можност да победиме и ќе го поддржиме кандидатот на СДСМ, рече Амети, додавајќи дека ова партнерство има и реципрочност „Помогни ми, ќе ти помогнам“.