Новиот акцелератор на Клиниката за онкологија не може да проработи бидејќи бил набавен без основните делови кои се неопходни за негово комплетно функционирање. Апаратот е набавен без ласери, во него нема систем за ладење, ниту софтвер за кој треба дополнителни 110 000 евра.
Нема ниту електронски уред за контрола на зрачење кој и доколку се порача и се платат потребните 250 000 евра производителот ќе го достави дури по четири месеци. За комплетно стартување на апаратотот потребни се уште 410 000 илјади евра.
Според директорот на Клиниката за онкологија Милан Ристевски на тендерот кој бил распишан и се одвивал под мистеризни околности во Министертвото за здравство не биле предвидени овие делови кои се неопходни за ставање во функција на апаратот.
– Акцелераторот е набавен е без основните делови и на него засега може да се зрачат само пациенти кои имаат патолошки тумори на глава, кои се ретки и преставуваат 10 проценти од вкупниот број на болни. Неможе да се врши зрачење на останати делови на телото изјави Ристевски за НОВА.
Апаратот е купен за 2,3 милиони евра, а неговата сума кога ќе се комплетира ќе достигне до фантастични 3 милиони евра.
Овој апарат служи за зрачна терапија на болните од рак и со неговото пуштање во употреба требаше да се намалат листите на чекање на кои сега се чека по 2,5 месеци. Акцелераторот свечено беше пуштен во употреба пред повеќе од еден месец кога присуствуваше и премиерот Груевски, но тогаш не беа обелоденети овие податоци.
Ристевски вели дека сите делови треба да ги набави клиниката од сопствениот буџет за акцелераторот комплетно да проработи кон крајот на годината. За овие и други прашања кои ги засегаат најтешко болните, но и вработените на оваа клиника повеќе од разговорот во видеото.