Албанците од Македонија кои работат во странство масовно гласаат на овие парламентарни избори.Пред македонските амбасадите во Берн-Швајцарија и Венеција – Италија но и пред други амбасади колона на луѓе чекале на ред за гласање.
Контактиран од НОВА, Фадил Асани од Пршовце – Тетово,кој гласал во Берн вели дека ова интересирање ги надминал сите очекувања и во споредба со минатите парламентарни избори денешното гласање во дијаспората наликува на првите парламентарни избори во независна Македонија.
Луѓе од сите кантони во Швајцарија денеска се собраа пред амбасадата во Берн и чекаат на ред за да гласаат. Има луѓе и од подалечните кантони,кои доаѓаат да го исполнат своето демократско право – вели Фадил Асани.
Тој вели дека Aлбанците со своето масовно излегување за избор на пратеник во дијаспората го положиле испитот и очекува пратеникот кој ќе биде избран повеќе да се грижи за оваа категорија на граѓани,за кои смета дека не го добиваат потребното внимание.
Да не не малтретираат повеќе по границите кога влегуваме во Македонија. Да имаме ист третман како и другите што живеат овде.Ние се што спечалиме го донесуваме овде кај нашите семејства.Пратеникот кој ќе биде избран треба да се грижи и за нас кои живееме во странство и треба да ни обезбеди услови за школување на децата на мајчин јазик – порачува Фадил Асани кој живее и работи во Швајцарија а потекнува од тетовското село Пршовце.