Новата влада на Албанија ќе вклучува шест министри-жени, што ќе биде драстична промена не само за земјата, туку и ќе биде позитивен пример во регионот.
„Шесте жени во владата ќе бидат позитивен чекор за Албанија и за регионот во насока на остварување на стандардите на родовата еднаквост и ппсакуваната демократија“, рече за SETimes Блерина Метај, координатор на програмата на Коалицијата за промовирање на жените и младите во политиката во Тирана.
Мандаторот Еди Рама рече дека создал тим нови министри со цел да се реализираат промените на кои владата ќе се фокусира, како што се јакнењето на владеењето на правото, сузбивањето на криминалот и корупцијата, задржувањето на одржливиот економски развој и спроведувањето на европските стандарди.