Словенечкиот демо-христијанин Алојз Петерле ќе претседава со Мешаниот комитет за соработка помеѓи Европскиот парламент (ЕП) и македонското Собрание во наредните пет години. Овој пратеник беше избран на ова место во текот на конституирањето на комисиите, комитетите и делегациите на ЕП.
Во овој Комитет влегуваат уште дваесет пратеници кои допрва ќе се избираат. Дури наесен ќе бидат определна првата средба на новиот европски Комитет и новото македонско Собрание.
Петерле е роден во 1948 година и бил премиер на првата демократски избрана словенчка влада во 1990 година. Тој бил и министер за надворешни работи и претседател на демо-христијаните од Словенија. Европски пратеник е од влезот на Словенија во ЕУ во 2004 година. Во 2007 година тој беше кандидат за претседател на Словенија но трката ја изгуби со доаѓањето на Данило Турк на претседателското место.
Петерле беше голем поддржувач на премиерот Никола Груевски и ВМРО-ДПМНЕ на изборите во 2011 година кога доаѓаше како гостин на митинзите на оваа партија.
Во изминатите пет години на ова место беше германскиот либерал Јоргос Шацимаркакис.