Наташа Најдановска-Алулоска и официјално е новата директорка на Клиниката за детски болести, информираат од Министертвото за здравство. Таа е назначена на местото на досегашната директорка Катарина Ставриќ, која во февруари годинава побара да биде разрешена.
За нова директорка на Клиниката за Максилофацијална хирургија е назначена Даница Поповиќ-Моневска, која доаѓа на местото на Славе Наумовски.
Министерството за здравство информира дека по објавените јавни конкурси за именување директори во јавни здравствени установи, заклучно со 6 ноември, се назначени нови директори на овие две Јавни здравствени установи.
Во останатите јавни здравствени установи, кои беа опфатени со овој конкурс, за директори се именувани досегашните вршители на должност.
За В.Д. директори се именувани:
– Насер Муареми, вд организациски директор во ЈЗУ Универзитетска клиника по кардиологија
– Џемиле Јусуфи, вд медицински директор во ЈЗУ Универзитетски институт по клиничка биохемија.
Од Министерството за здравство за НОВА, информираат дека нема нови економски/организациски директори, освен на Универзитетска клиника за гинекологија и акушерство и Клиниката за кардологија.
Нивната оправданост ја објаснуваат со тоа што „истите се именувани поради обемот на работа на клиниката и неопходноста од економски директор“.
Во наредните денови се очекува назначување и на други директори кои досега биле в.д.