Станува збор за гинекологот Вјолце Мбиара која работи во ординацијата во Шуто Оризари, која тврди дека претходно работела во Американската болница во Тирана, а истото беше потврдено и од Министерството за здравство преку соопштение
Гинекологот Вјолца Мбиара никогаш не работела ниту пак, била вработена во Американската болница во Тирана. Изјавата на д-р Вјолца Мбиара во врска со Американската болница е неточна и измислена и сериозно го нарушува угледот на нашата компанија во регионот, тврдат од Американската болица. Во дописот кој го испратија од Американската болница во Тирана се повикуваат на текст на НОВА, пренесени и на другите портали “Новиот гинеколот од Шуто Оризари наплаќа незаконски“ каде докторката ја обвинуваат бремени пацинетки дека наплаќа незаконски. Тоа е само повод бидејќи информацијата дека д-р Вјолца Мбиара порано работела во Американската болница дојде од самата докторка и од Министерството за здравство кои и овозможија и ја ангажираа да работи во амбулантата во Шуто Оризари како матичен гинеколог.
Во дописот главен извршен директор, администратор Клодијан Алајбеу на една од најзначајните и престижни приватни здравствени установи што работат во болницата на териториите на Балканот со седиште во Тирана, Албанија информира дека д-р Вјолче Мбиара никогаш не работела или била вработена во американската болница. Од болницата тврдат дека изјавите на гинекологот кој работи во Шуто Оризари се „невистинити и измислени и сериозно го кршат на угледот и имиџот на нашата компанија во регионот“, стои во соопштението.
Гинекологот Вјолце Мбиара работи во Штуто Оризари од септември минатата година кога поранешниот министер Арбен Таравари ја пронајде и препорача за ова работно место. Тој утринава за Плусинфо изјавил дека докторката ги поминала сите законски филтри за да може да работи во Македонија и сè било според законот и прописите, но проверката на нечие Си-Ви не е должност на министерот.
„Ние имавме недостаток на гинеколог во Шуто Оризари повеќе години. Ми се јави гинеколог која рече дека е заинтересирана и знае дека има недостаток во Шутка. После тоа јас побарав да си ги среди документи и сèшто треба. Денот кога е отворена ординацијата таа ја имаше целата потребна документација, значи документација и како ординација и како доктор кој ќе работи во таа ординација. Тоа се државен испит, нострификација на диплома, лиценца за работа, документи за ординацијата. Тоа е тоа што ние како институција можеме да побараме. Другото, каде работела и што работела се нејзини приватни работи, тоа веќе не е институционално„ вели Таравари за Плусифно.
Поранешниот министер Таравари, во чиј мандат таа беше ангажирана за гинеколог, вели дека тој лично никогаш не изјавил дека гинекологот кој сега работи во Шуто Оризари порано работела во Американска болница во Тирана.
„Од вашата порака првпат прочитав дека работела во Американска болница, мене таа никогаш не ми ни кажала дека работела во таква ординација“, вели Таравари.
Иако тогаш како прв човек на министерството, како што тврди тој, никогаш не изјавил дека таа работела во Американска болница, Министерството со кое тој раководеше на 6 септември 2017 година, кога започна со работа гинекологот во Шуто Оризари, во официјалното соопштение објави дека д-р Вјолца Мбиара е специјалист-гинеколог со долгогодишно работно искуство, меѓу другото, и во Американска болница во Албанија.