Најновите истражувања покажуваат дека алкохолот е поштетен од хероинот или крекот. Во анализата „Штетите од дрогата во В.Британија“, во изработка на Дејвид Нат, Лесли Кинг, и Лоренс Филипс од Независниот истражувачки комитет за дрогата, Лансет, јасно се гледа дека од сите дроги, најголема штета предизвикува алкохолот, и тоа прво-рангиран по штетноста за околината, и четврти за штетноста на самата индивидуа.
Се работи за анализа објавена на „The Economist“.
Повеќето од луѓето би се согласиле дека некои дроги се полоши од други: најверојатно некои од луѓето сметаат дека хероионот е далеку по опасен од марихуаната на пример. Бидејќи владите креираат кривични и социјални политики базирани според нивото на штета, новата студија објавена од страна на „Лансет“ на 1 ноември го прави „проблемот“ поинтересен за читање. Истражвачите под водство на професорот Дејвид Нат, поранешен главен советник за наркотични средство на британската влада, побараа од експертите за ова прашање да рангираат 20 вида на дрога (и легални и нелегални) на 16 мерки на штета за корисникот и за поширокото општество, како што е штетата по здравјето, зависноста, трошоците, и криминалот. Во Британија најштетен е алкохолот, со резултат 72 од можни 100, и е многу поштетен од хероионот (55) или крек-кокаинот (54). Тој е далеку најштетен за другите од општеството, а рангиран е како четврти после хероинот, крекот и метамфетаминот за штета која и ја придонесува на самата индивидуа. Авторите укажуваат дека моделот на рамнотежа, иако врз основа на пресуда, е анализиран и стабилен, бидејќи потребни се големи промени за да се промени генералниот пласман.
