Вкупниот број на вработени во јавниот сектор во 2020 та изнесувал 131.183 лица. Од нив 19.594 се вработени во безбедносните структури , во Армијата, Полицијата, Агенцијата за разузнавање, Агенцијата за национална безбедност и во Финансиската полиција. Ова го покажуваат најновите резултати на анализата на Порталб.мк…
Податоците се базираат врз Извештајот на Регистарот на вработени во јавниот сектор за 2020, и според нив се бележи намалување на бројот на буџетари-административци.
Најголем број на вработени на ниво на министерствата има во новото Министерство за политички систем и односи меѓу заедниците и во Министерството за земјоделство, а најмалку вработени има Министерството за локална самоуправа. Во Собранието се вработени 257 лица, но во оваа бројка не се вкалкулирани и пратениците.
Според старосната граница просечната возраст на вработените во јавниот сектор е 46 години, но најбројни се оние од 46 до 55 години.
Анализата покажува дека најголема просечна возраст од скоро 53 години има кај Уставниот суд, додека пак најмала просечна возраст од 38 години има кај Секретаријатите на Влада.
Во 2020 та година, според етничката припадност регистриран е зголемен број на вработени од речиси сите етнички групи, но се забележува и дека во дел од институциите – нема вработени етнички Ромите, Турците, Срби.
Конкретно, лани 80.891 од вработените биле Македонци, 23.269 се Албанци, 2.436 се стнички Турци, 1.567 се Роми, 1.567 се Срби.