Првиот човек на Агенцијата за Национална Безбедност, Виктор Димовски безбедносната состојба во земјава ја оцени за стабилна , иако како што рече постојат безбедносни ризици од природа на трите аспекти од делокругот на работење на Агенцијата, како што се спротивставувањето на разузнавачки активности , борба против тероризмот и насилниот екстремизам и дека навреме се добиваат сознанија благодарение на што се делува превентивно за да се отстраната шансите за човечки и секакви други загуби.
Говорејќи по повод втората годишнина од формирањето на Агенцијата за Национална безбедност Димовски како посебно успешни ги наведе трите акции:
– На планот на борбата со тероризмот би ја споменал успешно реализираната акција во септември и декември минатата година , кога е уапсена 3+ 8- члена група односно 11 члена група на подрачјето на Куманово и Скопје и кај која е пронајдено поголемо количество оружје како и појаси со експлозив, што е раритет и прв случај на таков вид убојно средство во Европа. Следна акција би ја издвоил акцијата во селото Србица , Кичевско со која е пронајдено експлозивни материјали и импровизиран полигон за вежбање. И кај двете акции инволвираните се уапсени и се кривично правно процесуирани.Трета успешна акција што би ја споменал е акцијата со четирите групи кои издаваат лажни Пи Си Ар тестови“, брифира Директорот на Агенцијата за Национална безбедност , Виктор Димовски.
Говорејќи за соработката со домашните и со странските служби , Димовски истат ја оцени за многу успешна и дека откако сме членка на НАТО , евидентна била зголемената безбедност а во правец на поголемо интензивирање на соработката , тој најави скорешно одржување на настан на кој домаќин ќе биде Република Северна Македонија, на кој ќе присуствуваат хомологните служби од Централна и од Југоисточна Европа.
М.Трпческа