Претседателот на партијата „Достоинство“ – Стојанче Ангелов денеска испрати последен повик до јавниот сервис МРТВ со молба да објави барем дел од политичките бомби на опозицијата и порача дека доколку не го сторат тоа, утре на пладне, заедно со граѓаните тој ќе упадне во телевизијата.
-Очекуваме вечерва во централните вести на МРТВ1 да биде пуштен еден подолг прилог со клучните моменти од сите досега објавени бомби. Доколку има еден таков прилог, ние ќе ги прекинеме активностите, очекувајќи МРТВ и во иднина редовно да ги известува граѓаните. Доколку не ги емитува снимките, тоа значи дека уредникот на телевизијата самоволно го крши уставот и законите бидејќи македонските граѓани со Устав имаат загарантирано право на јавно информирање. Затоа вечерва ќе направиме еден поголем протестен собир, кој јас го нарекувам генерална проба. Утре во 12 часот ги повикувам сите граѓани да дојдат и да и влеземе внатре во телевизијата и да пуштаме делови од бомбите. Ќе влеземе ненасилно, порача Ангелов.
Инаку генералот Ангелов После низа одржани јавни собири пред МРТВ, неделава оствари средба и со уредникот на информативната програмата на МРТВ Горан Петрески кој рекол дека јавниот сервис да ги објавува бомбите сè додека Обвинителство не ја тргне забраната за емитување на вакви содржини.
Соопштението на кое се повикува уредникот на МРТВ, Горан Петревски како причина поради која не ги објавува „бомбите“ на опозицијата е од трети февруари и гласи:
„Основното јавно обвинителство за гонење на организиран криминал и корупција, согласно своите овластувања ќе изврши проверки во врска со фактите и околностите под кои материјалите од средбата помеѓу Претседателот на Владата на Република Македонија Никола Груевски и лидерот на Социјалдемократскиот сојуз на Македонија Зоран Заев, дошле до медиумите.
Јавното обвинителство на Република Македонија цени дека е неопходно да нагласи дека објавувањето на материјали кои што може да станат предмет на натамошната кривична постапка е забрането и казниво со Закон.
Затоа, предупредуваме веднаш да запре објавувањето и емитувањето на ваквите материјали. Основното јавно обвинителство за гонење на организиран криминал и корупција упати Барање до МВР на РМ да стапи во контакт со мрежата на која што беше објавен материјалот за негово отстранување како и отстранување на сите слични материјали кои би се појавиле во иднина.“
За разлика од јавниот сервис, дел до телевизиите и речиси сите интернет портали во земјава континуирано ги објавуваат прислушуваните разговори кои ги обелоденува лидерот на СДСМ Зоран Заев.
Ангелов денеска пресот го одржа пред зградата на Министерството за внатрешни работи, заедно со бранителот Сашо Величковски, кој се споменува во разговорите од 12-тата бомба на опозицијата.
Величковски до Јанкуловска:Не сум човече- ни говедо, ми останува беден Македонец.