Фудбалската јавност во Англија ја погоди тажна вест. Запре срцето на Бренди Лоури, шестгодишниот фан на Сандерленд, кој ја загуби битката со карциномот, соопштија неговите родители.
Момчето од Сандерленд боледуваше од редок облик на рак што ги напаѓа нервните ќелии. Болеста му беше дијагностицирана на возраст од една ипол година и еднаш успеа да ја совлада, но не и по повторното појавување лани. Детскиот организам храбро се бореше со исклучително тешките и напорни терапии, во периодот на лекување му беа применети неколку неколку различни методи меѓутоа лек немаше.
Бренди важеше за миленик на фудбалерите на Сандерленд. Беше редовен гостин на нивните натпревари во минатата сезона во Премиерлигата, а во меѓувреме добиваше неизмерна поддршка од навивачи и клубови од целиот свет кои организираа разноразни акции за помош.
„Светците“, како што е прекарот на фудбалерите од „Стадионот на светлината“, беа чести негови посетители во болница. Посебна врска оствари со англискиот репрезентативец, Џермејн Дефо, кој минуваше најмногу време со малиот фан. Често го придружуваше на терапиите, слободното време го минуваше со него, а во договор со родителите го изненади со присуство и на роденденската забава.
Иако Дефо неодамна го напушти Сандерленд и направи трансфер во Борнмут, сепак, не го напушти и Бредли. Неколку дена прд смртта го посети во болница, а фотографијата на момчето кое заспива во прегратка на фудбалерот набрзина го обиколи и растажи светот.
https://www.youtube.com/watch?v=XY9WI2ysPWI
Бредли беше во тешка состојба на ден пред заминување во вечното почивалиште, а Дефо не можеше да сокрие солзите на денешната прес-конференција по дознавање на тажната вест.
„Бредли ќе остане во моето срце до крај на животот. Тука сме за неговото семејство за било што да затреба. Немаше ден да се разбудам и да не проверам во телефонот дали ме побарал Бредли“, рече Дефо во солзи.