Манчестер јунајтед се провлече против Рочдејл во шеснаесетфиналето во англискиот Лига Куп. И тоа на домашен терен. Победник немаше во основниот дел од пресметката меѓу фаворизираниот премиерлигаш и третолигашот од соседството (Гринвуд во 68. минута погоди за „црвените ѓаволи“, возврати Матесон во 76. минута), па победникот на „Олд Трафорд“ се решаваше со удари од белата точка.
Петорката што ја одбра Оле Гунар Солскјер, сепак, беше непогрешлива во пенал серијата и не дозволи да ја почувствува судбината на Тотенхем кој на идентичен начин беше елиминиран од Колчестер.
Ливерпул на рутина го одработи гостувањето кај МК Донс и славеше со 2:0, Челзи го врв ја наполни мрежата на Гримсби (7:1) меѓутоа бламажа доживеа Вест Хем. Оксфорд ги понижи популарните „чекани“ со 4:0 на својот „Касам“ стадион и во голем стил остана во натпреварувањето.
Англиски Лига Куп, шеснаесетфинале
Манчестер јунајтед – Рочдејл 1:1 / на пенали 5:3
Вулверхемптон – Рединг 1:1 / на пенали 4:2
Шефилд јунајтед – Сандерленд 0:1
Оксфорд – Вест Хем 4:0
МК Донс – Ливерпул 0:2
Челзи – Гримсби 7:1
Бартон Албион – Борнмут 2:0
Брајтон – Астон Вила 1:3
Арсенал – Нотингем Форест 5:0
Вотфорд – Свонси 2:1
Шефилд Венздеј – Евертон 0:2
Престон – Манчестер сити 0:3
Портсмут – Саутемптон 0:4
Лутон – Лестер 0:4
Кроули Таун – Стоук 1:1 / на пенали 5:3
Колчестер – Тотенхем 0:0 / на пенали 4:3