Мнозинство од граѓаните сметаат дека најкорупмирани се политичките партии, потоа министерствата, па следува корупција кај Владата на Македонија, Претседателот на Македонија и на крај е Собранието. Ова се резултатите од последното истражување на Антикорупциската комисија во соработка со ОБСЕ.
-42,2% од испитаниците сметаат дека постои многу корупција кај Владата на Република Македонија
– 31,5% со одговор „средно“- дека е корумпирана
– 11,2% сметаат дека има малку корупција
-10,1%- велат дека нема корупција
Според етничката припадност, најмногу Албанците веруваат дека постои многу корупција кај Владата, со 60,6%, средно- 28%, додека „малку“- само 4,5%, покажува истражувањето.
Македонците скоро дупло помалку од Албанците сметаат дека Владата е многу корумпирана- 35.7%, Средно- 32,4% и малку – 13,7%.
43% од анкетираните граѓани сметаат партиите го штитат само тесно-партискиот интерес, 24% од нив сметаат дека политичките партии ги штитат интересите на пред се, богатите спонзори, а само приближно 11% од нив сметаат дека партиите дејствуваат во интерес на граѓаните.
Анкетираните граѓани се убедени дека главен мотив за финансирање на партиите е добивање на противуслуга од нив.
2/3 од анкетираните сметаат дека нелегалното финансирање на партиите е широко распространето.
Секој петти анкетиран граѓанин е убеден дека никој не може да ја спречи политичката корупција во земјава.
Истражувањето во целина покажува дека испитаниците, од кои 29% се членови на политички партии, немаат добро мислење ниту за партиите ниту за повеќето носители на јавни функции. Клучниот наод, се вели во извештајот, се однесува на нискиот морал, високото ниво на распространетост и неказнивост на политичка корупција, како и непостоењето на ефективни мерки за нејзино спречување.
Истражувањето на Антикорупциска во соработка со ОБСЕ, е спроведено од 1 до 5 јули 2013 година, во 8 региони и сите 81 општини во Македонија, по основа на пол, возраст, етничка припадност, место на живеење и образование на испитаниците, на вкупно 1080 граѓани по телефонски разговор.