Многумина од граѓаните се задоволни откако министерот за финансии, Зоран Ставревски соопшти дека за зајакнување на фискализацијата, Министерството подготвува лотарија каде што главна награда е стан и дуќан, а на секои 45 дена ќе се доделува автомобил и вредносни ваучери за лаптопи, велосипеди, смарт телефони, ЛЦД телевизори и други вредни награди, преку собирање на фискалните сметки. Има и граѓани на кои таквиот метод им се чини инфантилен.
Ставревски информираше неодамна дека приредувач на наградната игра „Фискална во рака-награда без мака“ ќе биде Државната лотарија на Република Македонија, под покровителство на Министерството за финансии.
Првото извлекување е закажано за 30 декември, а предвидено е да се одржат вкупно девет кола. Според Ставрески играта ќе ги мотивира и заинтересира граѓаните за добивање фискални сметки секаде каде што пазарат. Од спроведената анкета на НОВА, граѓаните велат дека досега речиси секогаш им издавале фискални сметки.