Заменикот генерален секретар на ВМРО ДПМНЕ Петар Богоевски во интервју за 1тв, побара  да се има разбирање за одлуката на партијата„ која била исклучена од преговорите за името и како опозиција мора да ја критикува власта која не треба да глуми тримуфализам. Богоевски кажа и дека одлуката е одраз на различните мислења меѓу членовите на партијата кои биле потврдени и со партиска анкета.

Петар Богоевски

Според податоците на оваа анкета која ја направи ВМРО ДПМНЕ меѓу своите членови, во урбаните средини повеќе од 20 до 30 проценти од членовите на партијата се изјаснија дека  ќе гласаат „за“, во руралните средини овој процент е помал, а за бојкот се изјасниле незначителен број на членови и симпатизери. Но, одгромен број рекле дека не го прифаќаат Договорот – дека е лошо презентиран, има недостатоци, свои маани. И поради тоа што и јас не сум убеден во одржливоста на Договорот, јас ќе гласам против. Во таа шареноликост треба да се бараат причините за одлуките на партијата кои треба да се носат одмерено и внимателно“ кажа Богоевски.

Поранешниот член на Централниот комитет на ВМРО ДПМНЕ и екс амбасадор во Унгарија Игор Есмеров вели дека „има голема пизма“ меѓу народот затоа што граѓаните не биле подготвени дека ќе има Договор. Тој го смета Договорот за компромисно решение и кога има компромис мора да има отстапки од двете страни.

Игор Есмеров

„ Ова е единствена шанса да станеме членка на ЕУ и НАТО. 25 години ја добиваме истата порака дека без да го решеме спорот за името, нема членство во овие организации.Ако некој вели дека можело да се постигне подобро решение треба да каже како но и зошто не се постигнал таков договор досега – имавме 5 или 6 премиери досега “ кажа Есмеров кој смета дека бојкотот не е опција за ситауцијата во која се наоѓа државата, туку е шанса која треба да се зграби.