Затворската казна во траење од две години за екс премиерот Никола Груевски ја потврди денеска Апелациониот суд Скопје. Апелација ја потврди пресудата на Клирвичниот суд каде експремиерот Никола Груевски беше осуден на две години затвор за случајот Тенк, за набавката на мерцедес тежок половина милион евра.
Затворската казна на поранешниот помошник-министер во МВР, Ѓоко Поповски му е намалена од шест и пол, на четири и пол години.
Во 2011 година, МВР донело одлука за купување блиндирано возило најмногу до 243.000 евра. Под влијание на тогашниот премиер Никола Груевски , Гордана Јанкулоска како министер потпишала одлука за набавка на ново возило од речиси 600 илјади евра.
Скандалот што беше откриен во „бомбите“ на СДСМ, каде што можеше да се слушне како Груевски директно го нарачува „мерцедесот“ од тогашната министерка Гордана Јанкулоска.
Случајот го водеше Специјалното јавно обвинителство (СЈО).
Јанкулоска за случајот Тенк е во издвоена постапка и пресудата за неа, под обвинение дека ја злоупотребила службената положба и го натерала Поповски да го намести тендерот за мерцедесот што го посакал Груевски, ќе биде изречена на 8 октомври.