Новиот iPad Air 2 поседува 9,7 инчен екран на допир, а неговата дебелина е само 6,1 милиметри – дури 18% потенок од минатогодишниот модел. Новиот таблет тежи само 430 грама, пишува порталот gsm.mk/
Екранот на iPad Air 2 е со резолуција од 2048 x 1536 пиксели и LCD технологија, со што сигурни сме дека ќе добиете одлична репродукција на бои и контрасти.
На задната страна се наоѓа 8 мегапикселна камера, што е подобрување од минатогодишната камера со резолуција од 5 мегапиксели. Камерата има сензор од 1,12 микронски пиксели (онаа на iPhone 6 има 1,5 микронски пиксели) со леќа од f/2.4. Дополнително, камерата може да снима FullHD видеа во slow motion (240 фрејма во секунда).
Новиот модел доаѓа и со нова SIM картичка, која е однапред инсталирана во уредот. Според спецификациите, можете да добиете двојно побрза Wi-Fi мрежа, како и 4G конекција до 150Mbps.
Батеријата, стандардно, издржува до 10 часа како и кај останатите модели. iPad Air 2 доаѓа и со TouchID сензор, идентично како кај iPhone 6. Цената би требала да остане идентична како во минатото, со тоа што сега има верзии од 16GB, 64GB и 128GB.
Таблетот ќе започне да се продава на 24-ти октомври.