Author: НОВА ТВ

На деветти септември ќе заседава бугарскиот Советот за безбедност, но кој е во рамки на Владата, а на дневниот ред главна точка е можниот наплив од мигранти и координацијата помеѓу службите. Веќе е формирана специјална координативна служба, која секојдневно ја анализира безбедноста на границите, но и состојбата во внатрешноста на земјата, нагласи техничкиот премиер Стефан Јанев. Техничкиот министер за внатрешни работи Бојко Рашков откри дека само  изминатата ноќ биле регистрирани околу двесте мигранти во близина на бугарско-грчката граница, а петнаесет биле приведени на територијата на Бугарија. Рашков призна дека има голем оперативен проблем на границата со Грција, а тоа е…

Министерството за образование и наука соопшти дека во тек е аплицирањето на новите конкурси за доделување на средношколски стипендии за учебната 2021-2022 година, како и поднесувањето документи за обнова на правото на стипендија за тековните корисници кои истото го оствариле во некоја од изминатите учебни години, а исполнуваат услови за продолжување. Конкурсите за доделување на ученички стипендии се објавени на https://mon.gov.mk/content/?id=4182. Во секој од нив се наведени условите, критериумите, потребните документи и роковите за аплицирање со цел остварување на правото на користење на соодветната стипендија. Постапката за аплицирање за стипендија е дигитализирана преку порталот http://e-uslugi.mon.gov.mk, со што значително се поедноставува начинот на остварување…

Талибанците сега поседуваат 48 борбени хеликоптери и авиони по повлекувањето на американските војници од Авганистан, објави Дејли Мејл, повикувајќи се на сопствена истрага. Таблоидот потсетува дека кон крајот на јуни авганистанските воздухопловни сили броеле 167 единици воена опрема. Станува збор за 108 хеликоптери и 59 авиони. Меѓутоа, пред талибанците да го заземат Кабул, 46 воени летала, вклучувајќи 24 хеликоптери, успеаја да слетаат во Узбекистан. Според американската војска, пред нивниот последен лет од Авганистан, тие оштетиле 73 авиони. Со оглед на овие бројки, 48 авиони и хеликоптери се уште се во рацете на Талибанците, но засега не е познато во каква…

Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 733.226 граѓани. Прва доза вакцина вчера примиле 4.179 граѓани, а вчера вкупно се вакцинирале 12.022 граѓани. Во државата вкупно се аплицирани 1.280.332 дози вакцини, а ревакцинирани се 547.105 граѓани. Со последните бројки 53% од населението над 40 години имаат примено барем една доза вакцина и 28% од населението над 18-39 години е вакцинирано со барем една доза вакцина. Граѓаните без закажан термин се вакцинираат, во постоечките вакцинални пунктовите низ државата. Децата од…

Дезинформациите доведоа до зголемен број млади, невакцинирани пациенти со Ковид-19 во болниците, вели еден од врвните консултанти за критична нега во Велс пишува Би-Би-Си. Д-р Ејми Џонс рече дека персоналот во болницата се чувствува „деморализирано“ кога повторно гледа како вирусот ги полни одделенијата и одделите за интензивна нега. „Ковид никаде не замина“, вели консултантот во Универзитетската болница во Гранџ во Велс, каде расте потребата за хоспитализации. Стапката на нови случаи во Велс е највисока од јануари, а бројките од Институтот за јавно здравје во Велс покажуваат дека се активни 386,6 случаи на 100,000 луѓе во последните седум дена. Но, хоспитализациите…

Седумдесет отсто од населението во Шпанија веќе го завршија циклусот за вакцинација против коронавирусот. Тој процент беше постигнат со две недели доцнење во владиниот план, но властите го припишуваат одложувањето на сезоната на празници. Премиерот Педро Санчез го нарече процесот на вакцинација „најдобра лекција за патриотизам“ и им се заблагодари на своите сонародници за нивната одговорност. Триесет и четири недели по почетокот на процесот на вакцинација во Шпанија, повеќе од 33 милиони и 370 илјади луѓе се целосно вакцинирани и беа дадени 66 милиони и 100 илјади дози на различни вакцини против Ковид-19.

Времето во земјава ќе биде сончево со мала локална облачност. Ќе дува умерен, а вдолж Повардарието и во источните делови засилен ветер од северен правец (над 60 км/час) што ќе предизвика опаѓање на температурите. Утринската температура ќе се движи од 7 до 18, а максималната ќе достигне од 22 до 30 степени. УВ-индексот ќе изнесува 7. Во Скопје, сончево со мала облачност и со умерен до засилен северен ветер. Утринската температура ќе се спушти до 11, а дневната ќе достигне до 25 степени. Во петок и сабота ќе се задржи стабилно со свежи утра, а дневната температура ќе биде во…

Скопје и мнозинството членки на ЕУ сметаат дека треба да се тргне бугарската блокада и Северна Македонија да ги почне преговорите со Унијата. Нема друга опција освен европски Западен Балкан и затоа Скопје и Тирана треба да го добијат ветеното од ЕУ и час побргу да го отворат преговарачкиот процес. Оваа порака вчера беше упатена од Бледскиот стратешки форум на кој учествуваа лидерите на земјите од регионот и високи преставници на ЕУ и на државите членки. Најдиректна порака упати Борут Пахор, претседателот на Словенија чија земја е актуелен претседавач со ЕУ, кој нагласи дека Скопје направило се, а Унијата не…

Нешто помалку од 6.000 невакцинирани здравствени работници во Грција веќе добија решенија за принуден, неплатен одмор, а Федерацијата на вработени во државните болници, денеска ќе одржи нов петчасовен прекин со работата и протест против задолжителната вакцинација, јави дописничката на МИА од Атина. Од Федерација уште еднаш потенцираат дека не се против вакцината и повторно упатуваат повик сите здравствени работници да се имунизираат, но паралелно додаваат дека „нема да дозволат нивните колеги да ги загубат работните места“ и нема да дозволат целосна неорганизираност на здравствениот систем, „поради мерката наметната без причина“. Протести, исто како и минатиот четврток, закажаа во Солун и…

По пауза од една ипол година, средношколците и основците од вчера повторно се вратија во училишните клупи, притоа почитувајќи ги сите здравствени протоколи. Според надлежните, новата учебна година со физичко присуство почна успешно и без проблеми, а на децата и наставниците им посакаа убав почеток и одговорно придржување до здравствените протоколи. Во училиштата протоколите предвидуваат носење макси, дезинфекција, проветрување на простории и мерење на температура. -Конечно детскиот џагор се врати во училиштата, што посебно ме радува, истакна вчера министерката за образование и наука Мила Царовска. Таа потврди дека образовниот систем е целосно подготвен за почеток со физичко присуство. На децата…

Пожар избувна денеска во подрумските простории во зграда на улицата „23 октомври“ во Аеродром. Причината за пожарот уште е непозната, но по негово настанување, експлодирале и две плински боци. Како што информира за МИА, командир на тимот на Територијална противпожарна единица, Среќко Чимевски, со настанување на пожарот, граѓаните пријавиле и силна експлозија, по што е утврдено дека експлодирале плински боци. Според очевидците, пожарот настанал или од заварување, или од дотраена инсталација. На терен интервенирале две противпожарни возила и десет пожарникари обезбедени со кислородни боци. Пожарот е локализиран во првата фаза, а во моментов се проверува дали е целосно изгаснат.

Низа прашања меѓу кои и кога Грција ќе ги ратификува трите меморандуми со Северна Македонија, кога ќе ги промени таблите, дали постои план за промена на имињата на федерациите во соседната земја, но и кога ќе се одржи следниот совет на високо ниво,  поставува одговорниот за надворешна политика во опозициската СИРИЗА Јоргос Катругалос, јави дописничката на МИА од Атина. Поранешниот шеф на грчката дипломатија во писмената изјава по посетата на Дендиас на Скопје, вели дека министерот за надворешни работи на Грција треба да даде јасни одговори „за да има  вистинска вредност било која посета на Северна Македонија или средби со…