Author: Marta Pesevska

Иранско-британскиот државјанин Алиреза Акбари е погубен откако беше осуден на смрт за шпионажа, објави денеска државната новинска агенција Мизан, цитирана од светските агенции.

Солидарноста никогаш не била повеќе важна, се вели во објавата на Инстаграм од Европската комисија. „Им благодариме на сите земји што понудија итна помош за Украина преку нашиот #EUCivilProtection Mechanism минатата година. Нашиот колективен одговор против војната во Украина е најголем досега од ваков вид. Но, тоа не би било возможно без земјите на 🇪🇺 и придружните земји кои учествуваат во нашиот Механизам, кој беше клучен во испраќањето итна помош до 🇺🇦“, соопшти Европската комисија.

Успешните енергетски политики на Владата предводена од СДСМ даваат резултати. Обезбедена е сигурна и стабилна испорака на струја до граѓаните и компаниите, како и стабилност на цената на електричната енергија, се вели во соопштението од СДСМ. За прв пат во 70 години со полна пареа, истовремено, работат сите енергетски капацитети во државата и тоа трите блока на РЕК Битола, РЕК Осломеј, ТЕЦ Неготино, електраните на гас во Скопје, како и сите агрегати на хидроелектраните во државна сопственост. Се зголемува производството на струја од обновливи извори. Во мандатот на оваа влада од 10 месеци во државата се инсталирани и 141 мегават обновливи извори на енергија, оваа година…

Чесите и денеска гласаат меѓу осумте кандидати на изборите за иден претседател, кои почнаа вчера.

Три енергетски компании и грчката држава го договорија заедничкото сопствеништво на  самостојниот систем за природен гас  во Александрополис. Во 2021 година Електростопанството на Северна Македонија, Електрани на Северна Македонија (ЕСМ) потпиша меморандум со Грција за инвестирање 25 отсто во новата електрана, но по повеќе од една година сепак се откажа од учество во овој проект. „Alexandroupoli Power Generation“ како носител на проектот планира изградба и работа на нова постројка за производство на електрична енергија со гориво природен гас, во Александруполи. Изградбата на новата фабрика ќе започне во првиот квартал на 2023 година и се очекува да биде готова до крајот…

Победата на Украина, која беше нападната од Русија, е егзистенцијално прашање за Европа и за ЕУ ​​нема поголем приоритет од тоа, изјави денеска Улф Кристерсон, премиер на Шведска, која го презеде претседавањето со ЕУ на 1 јануари.

Десетина земји-членки на Советот за безбедност на ОН денеска ги повикаа талибанците да ги прекинат сите угнетувачки мерки против жените во Авганистан, на маргините на состанокот зад затворени врати за ситуацијата во таа земја.

Американскиот претседател Џозеф Бајден и јапонскиот премиер Фумио Кишида денеска во Белата куќа разговараат, меѓу другото и за американско-јапонскиот сојуз и „воспоставувањето слободен и отворен Индо-пацифик“, што е синтагма што ја користат двете страни за да ги опишат напорите за да се спротивстават на Кина.

Судот во Њујорк донесе пресуда против компанијата на поранешниот американски претседател Доналд Трамп поради даночна измама. Казната која фирмата треба да ја плати е 1,61 милиони долари.

Министерот за животна средина и просторно планирање Насер Нуредини се обрати на сесијата на министрите за животна средина на виртуелниот самит „Гласот на глобалниот југ“ организирана од Индија и повика на фер пристап до најновите технологии за сите за позелен, поздрав свет.

Судот на грчкиот остров Лезбос денеска ја прекина постапката против 24 хуманитарни работници на островот, обвинети за шпионажа, со што заврши спорниот судски процес што беше критикуван од ОН и невладините организации кои го осудија обвинувањето волонтери кои им помагаат на имигрантите.

Министерот за внатрешни работи Оливер Спасовски при денешната промоција на фитнес центарот во ПЦ Ѓорче Петров, оствари средба со директорот на Агенцијата за млади и спорт, Наумче Мојсовски. За време на средбата, Спасовски на Мојсовски му врачи дрес од македонската ракометна репрезентација, со негов потпис, во знак на заедништво и поддршка за македонските репрезентативци на претстојното Светско ракометно првенство што се одржува во Шведска и Полска.