Три енергетски компании и грчката држава го договорија заедничкото сопствеништво на  самостојниот систем за природен гас  во Александрополис.

Во 2021 година Електростопанството на Северна Македонија, Електрани на Северна Македонија (ЕСМ) потпиша меморандум со Грција за инвестирање 25 отсто во новата електрана, но по повеќе од една година сепак се откажа од учество во овој проект.

„Alexandroupoli Power Generation“ како носител на проектот планира изградба и работа на нова постројка за производство на електрична енергија со гориво природен гас, во Александруполи. Изградбата на новата фабрика ќе започне во првиот квартал на 2023 година и се очекува да биде готова до крајот на 2025 година.

Договорот беше,потпишан во Министерството за надворешни работи во присуство на министерот за животна средина и енергетика г-дин Костас Скрекас.

Министерот за животна средина и енергетика Костас Скрекас по потпишувањето на договорот изјави:

Договорот потпишан помеѓу ППЦ, ДЕПА и Дамко Енерџи за изградба на голема електрана во нашата земја е уште една силна алка во синџирот на напори што ги правиме за да ја заштитиме енергетската самоодржливост  на нашата земја. Новата централа за производство на електрична енергија во Александрополис се наоѓа на клучна точка за безбедноста на снабдувањето на Грција и поширокиот регион. Станува збор за единица која ќе биде директно поврзана со ФСРУ на Александрополис, таа е на чекор од грчко-бугарскиот ИГБ гасоводот, а во исто време ќе може да извезува електрична енергија во сите соседни земји. Со брзи, но стабилни чекори, ја претвораме Грција во клучен столб на енергетската безбедност за цела Југоисточна Европа, изјави грчкиот министер.

Извор: НОВАТВ