Author: Светлана Јовановска

Амбасадорката на Холандија во НАТО пред Груевски се запрашала дали не треба да се преиспита поканата за Македонија поради нефункционалната правна држава, зависноста на судството од власта и недостигот на слобода за медиумите а Холандија не е единствената земја која си го поставува истото прашање и за НАТО и за препораката во ЕУ.

Столтенбер: “Ја подвлеков важноста слободата на медиумите и важноста да и се даде на опозицијата можност да има добри услови за работа, тоа се демократски вредности кои треба да се почитуваат од страна на сите. И ја подвлекувам важноста на независна и длабока истрага во многу сериозните обвинувања кои беа кажани.”

Се јави и Федерика Могерини. Не беше многу убедлива во кусата анализа за нашата чудесна земја но, ни обрна внимание и должна почит и ни покажа дека сме нормални а не забегани. И така, без око да и трепне и без страв од “странските служби”, среде Европска комисија нé нарече со нашето име, онака директно – Македонија!

Федерика Могерини е спремна да ги следи препораките на Европскиот парламент кој од неа побара да помогне да се најде излез од оваа политичка криза. Комесарот Јоханес Хан предупреди дека без решение на кризата Македонија ќе ја загуби европската перспектива.

Енергетската заедница за југоисточна Европа повторно побара од Македонија да усвои Национален акциски план за обновлива енергија кој се однесува на промовирање на употребата обновлива енергија која може да ни донесе енергија која нема да ја загадува околината како што тоа сега е случај.

ЕП во својата Резолуција за Македонија смета дека Фредерика Могерини, шефица на европската дипломатија, мора повеќе да се ангажира во решавање на спорот со нови иницијативи но и во решавањето на длабоката политичка криза.

Некои новинари одлучија да ги напуштат провладините медиуми поради уредувачката политика со која не успеваат да се помират. Случајот «Пуч» можеби е шанса, според Снежана Трпевска, да дојдеме до пресвртна точка за да се консолидира новинарската заедница и вредностите кои денес доминираат во новинарската професија.

Доминик Страус-Кан денес веројатно ќе беше претседател на Франција. Но, судбината одлучи поинаку. Судбината, неговото либидо или политиката. Тоа најверојатно нема брзо да го дознаеме. Последното судење покажа дека тој има “тешка” сексуалност но не и кривично дело. Според многу шпекулации, ДСК бил прислушуван во истрагата за да се најде скандал кој ќе ја уништи неговата политичката кариера.

Флекенштајн: Да почнеме со политички дијалог. Тоа мора да биде можно ако и двете страни тоа го сакаат. Ние не можеме никого со сила да натераме да гради политичка култура и дијалог. Но ако тие не се во позиција да го изградат ова, тогаш е сигурно дека тие не се во позиција да станат членки на ЕУ.

Во своите обиди да и помогне на земјата, комесарот прави напори да се најде решение со помошта на ЕУ. Хан спомена пред доаѓањето во Скопје дека е во контакт со Европскиот парламент кој можеби би можел да се ангажира во решение за македонската криза.

Една од главните пораки на Хан за време на престојот во Македонија ќе биде и тоа дека судството мора да биде ослободено од било какви политчки влијанија. “Не е задача на политичарите да судат. Тоа е задача на судството”, изјави Хан.

Комесарот Хан во Скопје ќе порача дека е мора да се обезбеди независнот на судскиот систем од полтички влијанија.