Author: Zoran Ivanov

На поетот Славе Ѓорѓо Димоски и српската поетеса Радмила Лазиќ денеска им беа врачени наградите „Книжевен жезол“ за 2025-та кои традиционално ги доделува Друштвото на писателите на Македонија (ДПМ) во рамки на поетската манифестација „Празник на липите“. Наградите на лауреатите им ги врачија претседателката на државата Гордана Сиљановска-Давкова и претседателот на ДПМ, Живко Гроздановски.

Израел ги затвора амбасадите низ целиот свет и ги повикува своите граѓани да бидат внимателни и да не прикажуваат израелски или еврејски симболи на јавни места, се вели во соопштението објавено на официјалните веб-страници на амбасадите.

Обвинителството поднесе обвинение за пожарот во кочанската дискотека Пулс во која загинаа 62 луѓе. Обвинети се 34 лица кои со постапувањето или непостапување во системот предизвикале да се случи катастрофата. Во обвинението се опфатени и трите фирми на сопственикот на дискотеката кој е првообвинет.

Иранскиот претседател Масуд Пезешкијан денес изјави дека Иран силно ќе одговори на нападите на Израел и дека легитимно ќе го брани интегритетот на земјата. Во своето обраќање до нацијата, тој рече дека израелскиот напад бил брутален чин што го крши меѓународното право и ја потврди „криминалната природа“ на израелскиот режим. Пезешкијан потврди дека голем број деца и жени, воени команданти и нуклеарни научници биле убиени во израелскиот напад врз Техеран и други градови низ земјата, објави иранската новинска агенција ИРНА.

Македонските студенти ќе можат да користат 20 стипендии годишно за да студираат во Унгарија на унгарски или на странски јазик. Од Министерството за образование и наука денеска соопштија дека приоритет ќе имаат апликанти кои сакаат да студираат во областа на наука, технологија, инженерство и математика (СТЕМ), како и медицински и здравствени науки и земјоделство.

Повеќе од десет полицајци и поранешни началници на полицијата од Кочани и Штип се уапсени вечерва во акција раководена од ОЈО ГОКК, како осомничени за пожарот во дискотеката „Пулс“ во Кочани. Дел од нив, според „Скопје1“ се и началници кои биле на функцијата во март, кога се случи трагедијата во која загинаа 62-ца млади луѓе.

Израел потроши години подготвувајќи се за операцијата против нуклеарните и ракетните програми на Иран, која беше започната рано наутро во петокот, изјави безбедносен функционер за „Тајмс оф Израел“, вклучувајќи изградба на база за беспилотни летала во Иран и шверцување на прецизни системи за оружје и командоси во земјата.

Американскиот претседател Доналд Трамп денес го повика Иран да склучи договор за неговата нуклеарна програма, наведувајќи дека Техеран сè уште има време да спречи понатамошен конфликт со Израел и предупреди дека последователните напади ќе бидат уште пожестоки.

Војната меѓу Израел и Иран ќе има влијанија врз цената на нафтата и во Македонија, смета претседателот на Регулаторната комисија за енергетика водни услуги и услуги за управување со комунален отпад (РКЕ) Марко Бислимовски, но не очекува влијание на цените на останатите продукти.

Бранко Тричковски: Иран не го послушал Трамп, Израел не го послушал Трамп, Русија не го послушала Трамп, Калифорнија не го послушала Тгамп, Меланија не го послушала Трамп, Харвард не го послушал Трамп, Канада не го послушала Трамп, Гренланд не го послушал Трамп, Кина не го послушала Трамп, Мексико не го послушал Трамп, Маск не го послушал Трамп.

Главниот ирански објект за збогатување ураниум во Натанц е оштетен во израелски напад, објави денес Иранската агенција за атомска енергија.