Двомоторен авион со шест патници се урна во калливо поле на северот од американската држава Њујорк, соопштија локалните власти.
Заменик-шефот на полицијата во округот Колумбија, Жаклин Салваторе, информираше дека службите реагирале по добиен повик на бројот за итни случаи 911. Таа изјави дека несреќата завршила со фатални последици, но одби да прецизира колку лица загинале.
Федералната управа за авијација соопшти дека авионот од типот „Мицубиши MU-2B“ со шест патници се упатувал кон аеродромот во округот Колумбија, во близина на Хадсон, но се урнал на околу 50 километри од дестинацијата.
Авионот е во средината на поле кое е многу калливо, што го отежнува пристапот, изјави Салваторе на прес-конференција во близина на местото на несреќата, околу 80 километри јужно од Олбани.