Даниел Роуз Колинс го приреди најголемото изненадување на седмиот натпреварувачки ден и воопшто на досегашниот тек на Австралија опен. Анонимната Американка во осминафиналето ја декласира втората носителка Анжелика Кербер со 6:0, 6:2 и заслужено ужива во највредниот триумф во кариерата на големите турнири.
Роуз одигра меч како во транс и на фаворизираната ривалка ` дозволи само една брејк прилика во првиот сет што го реши во своја корист за само 21 минута. Кербер имаше добар вовед во вториот сет, но само вовед. Направи брејк по што нејзината игра се распадна.
Роуз во продолжение направи рибрејк, а потоа освои уште два гема на противнички сервис и за помалку од еден час се најде меѓу најдобрите осум на турнирот. Во четврт-финалето ќе игра со подобрата од мечот меѓу сонародничката Слоун Стивенс и Русинката Анастасија Пављученкова.
Од Мелбурн се одјави и Марија Шарапова. За елиминација на Русинката се погрижи домашната тенисерка Ешли Барти која славеше во три сета со 4:6, 6:1, 6:4 и во наредното коло ќе игра со Петра Квитова од Чешка.
Австралија опен 2019
Жени, осминафинале
Колинс (САД) – Кербер (2., Германија) 6:0, 6:2
Квитова (8., Чешка) -Анисимова (САД) 6:2, 6:1
Барти (15., Австралија) – Шарапова (30., Русија) 4:6, 6:1, 6:4
Мажи, осминафинале
Надал (2., Шпанија) – Бердих (Чешка) 6:0, 6:1, 7:6
Тифо (САД) – Димитров (20., Бугарија) 7:5, 7:6, 6:7, 7:5