Во близина на неодамна отворената амбасада на Италија во Триполи експлодираше автомобил во кој била поставена бомба.
Полицијата во остатоците од автомобилот пронашла две тела.
Експлозијата се случила синоќа на 350 метри од амбасадата на Италија во кварт во кој се наоѓаат и амбасадата на Египет и Министерството за планирање.
Засега никој не презеде одговорност за поставената бомба ниту е познат идентитетот на убиените лица пронајдени во автомобилот.
Италија е првата западна држава која одново отвори амбасада во Триполи по судирите во Либија во 2014 и 2015 година кога многу странски амбасади се повлекоа од таа држава.