По деветте бода на патеката Монца во Италија, Игор Стефановски освои уште шест на Хунгароринг и по две станици од сезоната во европскиот ЕТЦЦ шампионат во автомобилизам и падна на петтото место во генералниот пласман.
По четвртиот резултат во вчерашната прва трка на автодромот во Унгарија, македонскиот претставник во серијата претпладнево го освои осмото место за додавање на уште еден бод на контото на кое сега има вкупно 15.
Швајцарецот Кристјоханес Шрајбер е двоен победник викендот на Хунгароринг. Вчерашниот триумф го потврди со нов денеска и се зацврсти на лидерската позиција во севкупниот редослед. Второто место во втората трка го освои Александар Артемјев од Казахстан, трет беше Унгарецот Норберт Наѓ.
Наредните возбудувања во ЕТЦЦ шампионатот се закажани за последниот викенд во месец мај со трки на патеката Нирбургринг во Германија.