„Авторот“ на спорните песни кои беа објавени во збирката поезија „Млади поети“ демантира дека тој ги напишал. Даниел  Пиљаковски за НОВА рече дека во животот нема  напишано песна.

„Моето име е злоупотребено. Јас сум антиталент за пишување, не сум никаков писател“ ни напиша Пиљаковски.

Неговото име и презиме го пишува на двете спорни песни кои предизвикаа бура во јавноста и во кои има дикриминаторски содржини и говор на омраза.

Пиљаковски вели дека тој не се потпишал на песните, туку дека неговото име го злоупотребил негов познаник.

По ваквиот развој на настаните од Агенцијата  за млади најавија истрага која треба да покаже дали во целиот случај има елементи и за кривични пријави поради лажно претставување.

Авторите не добиваат пари, за објавување на нивните песни  во збирката. Пари добиваат само оние автори кои добиле прва, втора или трета награда.

Од Агенцијата за млади најавија дека поради двете песни со контроверзна содржина, ќе бидат повлечени збирките кои не биле дистрибуирани.

Директорот на Агенцијата за млади и спорт Дарко Каевски и се извини на јавноста и најави дека ќе спроведе  истрага за да се утврди кој е виновникот за ваквиот пропуст.