Роберт Бадинтер, поранешен министер за правда на Франција и човекот кој ја оцени македонската независност како одржлива по распаѓањето на екс-Југославија, беше повикан на дебата на француската национална телевизија по убиствата на новинарите во Шарли Ебдо во средата. Тој вели:
„Новинарите и полицајците се убиени додека ја вршеле својата професија. Не се сеќавам на напад на новинари од толкав степен. Тие се мртви. Добро познавав некои од нив. Зошто се мртви? Мртви се затоа што биле војници на слободата! Затоа што не прифаќаа да им се затворат устите! Не прифаќаа да замолчат пред уцената и заканата! Слободата на изразувањето која тие ја бранеа е наша! Таа е темелот на демократијата! Тоа често го забораваме. Слободата на изразувањето е во срцето на демократијата! За нив станува збор, за нивните семејства… познавав некои од нив… тие никогаш не прифатија да се повлечат, да попуштат! Ете затоа мислам дека тие се вистинските херои на демократијата.
Често зборуваме за демократијата. Но има мажи и жени кои се мртви за демократијата. Слободата е наша! За тоа станува збор! Затоа тие убијци дојдоа во Шарли Ебдо, да покажат дека ќе ги убијат тие не ги прифаќаат нивните закони“.
Масакарот во редакцијата на сатиричниот магазин „Шарли Ебдо“ се случи на 7.јануари при што убиени беа 10 новинари и полицајци.