Онлајн и без физичко присуство, американскиот претседател Џо Бјаден го одржа традиционалниот молитвен појадок, седумдесетти по ред.
Бајден во своето обраќање истакна дека САД и целиот свет поминаа низ тежок период за време на ковид пандемијата, а дека многу луѓе ги загубиле своите најблиски. Во соопштението што го објави ВМРО-ДПМНЕ, се наведува дека американскиот претседател споделил дека ова е ден-роденден на неговиот син Бо Бајден кој го загубил животот поради рак на мозокот на 46 годишна возраст. Тука биле споменати и неговата ќерка и прва сопруга кои настрадаа во сообраќајна несреќа.
„Секој некогаш поминува низ тешки моменти”, додал Бајден.
Американскиот претседател се заложил за намалување на поделбите и за јакнење на единството околу базичните прашања за општо добро.
Тој самиот помина 36 години во Сенатот на САД, додавајќи дека Републиканците и Демократите треба повеќе да соработуваат, без разлика кој е на власт или во опозиција, без разлика на секојдневните политички разлики.
Молитвениот појадок оваа година се одржа без меѓународни гости и во скратено издание поради ковид пандемијата.
Настанот го водеа повеќе сенатори и конгресмени од двете најголеми партии.
Он лајн настанот соопшти ВМРО-ДПМНЕ, го проследиле пратениците Александар Николоски и Антонио Милошоски, како и членот на ИК на ВМРО-ДПМНЕ Влатко Ѓорчев.