Американскиот претседател Џо Бајден во консултација со неговиот тим за национална безбедност, според висок претставник на администрацијата, донесе одлука 31 август да биде крајниот рок кога да се повлече војската од Авганистан, пренесе Си – Ен – Ен.
Одлуката Бајден ја донесе внимателно и врз основа на безбедносните ризици, поради подолгиот престој во земјата, рече официјален претставник, и побара итни планови во случај подоцна да утврди дека САД треба да останат во земјата подолго.
Иако САД евакуираат десетици илјади луѓе од земјата, ситуацијата во Авганистан и натаму е тешка. Многу Авганистанци кои работеа и им помагаа на американските војници го чекаат датумот за да заминат. Американските власти соопштија дека постои закана од терористички напади на аеродромот во Кабул, додека луѓе се собираат пред и околу влезот на аеродромот.