Компанијата Балкан Петролеум Холдинг Лимитед во понеделникот на 04.07.2016 година, официјално го поднесе барањето за издавање на дозвола за понуда за преземање на Макпетрол врз основа на законот за преземање на акционерски друштва до Комисијата за хартии од вредност.
Во соопштението од овластениот полномошник на Балкан Петролеум Петар Стојановски се вели дека меѓу документацијата со барањето е испратена и понуда за преземање, проспект за преземање како и останата документација согласно законот, која ќе послужи за верификација на податоците во процесот.
– Според член 31 од законот за преземање на акционерски друштва, Комисијата за хартии од вредност во рок од 10 работни дена од денот на поднесување на комплетната документација ќе треба да се произнесе со својот став во врска со дозволата.
Само за потсетување, компанијата Балкан Петролеум Холдинг Лимитед, на 09.06.2016 објави намера за преземање на Макпетрол АД Скопје и со таквиот чекор ја започна процедурата за преземање на истоимената компанија, се вели во соопштението.