Уште пред да започне берлинската конференција (28 август 2014), на површина излегуваат судирите помеѓу организаторите и неколку балкански земји.
Дипломатски извор за „Топ Чанел“ велат дека подготовките за Конференцијата во Берлин
за Балкан, што ќе се одржи на 28 август, не се одвивале сосема тивко во германскиот главен град и во неколку главни градови на Балканот.
На сосема неочекуван начин, додава изворот, кабинетот на канцеларката на Владата на Германија, ги информирал земјите учеснички, дека на завршната прес-конференција, Ангела Меркел ќе се појави само со премиерот на Албанија, а не со сите премиери на Балканот.
Реакцијата од Белград била најбрза во која според изворот се наведувало дека доколку Ангела Меркел може да ја претставува Германија како членка на ЕУ на крајот на состанокот за Балканот, албанскиот премиер не може да говори во име на целиот регион.
Се дознава дека реакцијата од Србија не е единствена. Уште две други земји, Хрватска и
Словенија, земји кои што се и членки на ЕУ, не биле сосема задоволни од изненадувањето на Меркел.
Но реакциите не го поколебале Берлин, кој во финалната варијанта на форматот на
завршната прес-конференција направи само една измена, го додал претседателот на
Европската комисија, одбивајќи ги сите понатамошни дискусии за таа точка.
Истиот дипломатски извор тврди дека „Големата видливост што Берлин му ја обезбедува на премиерот на Албанија не е сигурно без причина“. Посетата на Рама во април во Берлин, несомнено е силен сигнал за отворање на ново поглавје во односите со Албанија.
Првата средба помеѓу Меркел и Рама била повеќе од обична и куртоазна средба, која што завршила со позитивен одговор на канцеларката за посета на Тирана во текот на годината.
Но сето тоа не е доволно за во целост да се објасни посебниот сосав на прес-конференцијата на 28 август, уште повеќе што за Германците ништо не е случајно.
Сепак, кои и да се причините, за премиерот Рама, враќањето во Берлин ќе биде уште еден
ден за сеќавање.