Било каква употреба на хемиско оружје е сериозен прекршок на меѓународните права и суров криминал, вели генералниот секретар на ОН, Бан Ки-мун за денешните случувања откако експертскиот конвој на ОН кој требаше да ги испитува настаните во Сирија на терен, беше нападнат од снајперски истрели.
Според Ки-мун, пукањето се случувало во амортизираната зона на територија контролирана од страна на владата а на која биле и бунтовниците. Тимот ќе се врати на терен откако ќе го замени возилото.
„Секоја минута е важна. Не смееме да дозволиме повеќе одложувања. Сите ги видовме ужасните слики на ТВ-екраните и на социјалните медиуми. Јасно ова е голем инцидент“, вели тој. „Должни сме им на фамилиите на жртвите да дејствуваме“.
Велика Британија и САД целат на воен напад против режимот на Башар ал-Асад откако секретарот за надворешни работи на Велика Британија, Вилијам Хејг, изјави дека сите други опции пропаднаа во текот на изминатата година.
Бан Ки-мун се соочува со зголемени предизвици да го одржи кредибилитетот и авторитетот на ОН во врска со конфликтот во Сирија, бидејќи Русија се чини е решена да бојкотира било какви казнени мерки против режимот на Асад, додека Велика Британија и САД сигнализираа дека тие се подготвени да дејствуваат без оглед на руското или кинеското вето.