Во високоразвиениот свет каде секоја крава многу млеко дава а секое теле станува магистер…
Премиерна објава на ново поетско остварување на Тихомир Јанчовски
Една крава млеко дава, млеко дава таа крава
ама малку млеко дава, таа крава лоша крава.
Се секира газдата, за млекото и кравата
и мисли дал со секира да ја сотре кравата.
И наврви врли газда, со кравата по друм оди
ќе ја носи на доктор, баш-доктор за скотови.
Еднаш кога стаса таму, проговара газдата:
Ој докторе ти докторе, Ој, доктор ти за говеда
али знаеш некој иљач, за мене и за кравата:
Оти ова моја крава малку млеко мене дава?
Ој ти газда врли газда, стопан ти на кравата,
дал не знаеш што е алот, ил пак не ти текнува?
И изрече фиљан доктор старекимски збор и два:
ОВА КРАВА ТОЛКУ ДАВА ЗА ПОВЕЌЕ – ДРУГА КРАВА