Средбата, која се одржа помеѓу Бугарија и Македонија во текот на викендот, во Ќустендил, сама по себе, е многу позитивен чекор. Оваа средба е и чекор напред, оценува во интервју за БНТ, Димитар Бечев – директор на Европскиот совет за надворешна политика.
Според него средбата меѓу Орешански и Груевски била во насока на позитивна промена, a тонот бил поразличен од досега.
„Самиот факт што Бугарија не се размавтува со тоа страшило – ветото на македонската евроинтеграција, е многу добро”, рече директорот на Европскиот совет за надворешна политика, Бечев.
Тешко ќе им се остави историјата на историчарите, бидејќи и историчарите во Македонија и во Бугарија имаат единствена задача да ја оцрнат другата страна, вели во интервјуто Бечев.
„Секогаш ќе има луѓе кои ќе бидат на наша страна, и луѓе кои сакаат да ја го користат историјата со цел – добивање на евтини политички поени“, објаснува Бечев.
„Ние нагласиме Илинденското востание, но само да ве потсетам дека во петокот во Софија беше објавен еден двотомник со документи за судбината на македонските Евреи. Има и некои темни страни во бугарската историја. Треба сепак и ние да ги признаеме“, рече Димитар Бечев.