Новоизбраниот американски претседател Доналд Трамп најави дека на трите клучни позиции поврзани со националната безбедност ќе избере конзервативци: Џеф Сешнс како државен обвинител, Мајкл Помпео како директор на ЦИА и Мајкл Флин како советник за национална безбедност.
Овие луѓе во американската јавност се познати како „јастреби“ бидејќи поради своите радикални ставови често се судираат со политиката на естаблишментот на Републиканската партија. Тие тројца веројатно се последниот избор кои за такви чувствителни позиции најмалку ги посакувата малцинствата во САД.
Сешнс: Расист и конзервативец
Сенаторот од Алабама Џеф Сешенс (69) уште во 1986 година бил во игра за висока позиција во судството во администрацијата на Роналд Реган, но се откажа поради обвинувањата дека е расист.
На позицијата државен обвинител Сешнс ќе наследи двајца Афроамериканци: Ерик Холдер и Лорета Линч, кои на оваа позиција беа изминатите 8 години за време на мандатот на Обама.
Изборот на Трамп, Сешнс да биде на оваа позиција, на Твитер го пофали и Дејвид Дјук, поранешен водач на екстремната организација која ја велича белата раса Кју Клукс Клан.
Од друга страна, потенцијалниот избор на Сешс го вклучи алармот во сите организации за заштита на човековите права.
-Џеф Сешнс е премногу голем расист за да стане федерален судија. И тоа уште во 1980. години. Идејата дека тој човек може да стане државен обвинител е вистинска закана за нашата земја и за безбедноста на сите луѓе кои не се белци, од американските муслимани до жените, изјави за весникот Гардијан извршниот директор на организацијата „Демокраси оф Америка“.
Мајкл Флин: Исламот е тумор
Пензионираниот генерал Мајкл Флин (57), поранешен директор на американската разузнавачка агенција „Дифенс интелиџенс ејџенси“ познат е по своите контроверзни ставови за исламот.
Флин исламот го нарече политичка идеологија која „метастазира во малигнен тумор“. Се залага за повторни преговори за иранскиот нуклеарен договор, јакнење на врските со Русија и поинтензивна борба против исламските екстремисти. Сешнс и Флин важат за жестоки поборници на Доналд Трам уште од времето кога многу истакнати републиканци изразуваа несогласување со неговата експлозивна реторика. Флин на овој начин би можел да биде награден за својата лојалност од новиот претседател на САД.
Мајк Помпео: Затворањето на Гванатанамо е грешка
За разлика од нив двајца, Мајк Помпео (52), републиканскиот конгресмен од Канзас на почетокот го поддржуваше Марк Рубио како републикански кандидат, но навреме се префрли во таборот на Трамп.
Помпео во јавноста е познат како остар критичар на нуклеарната спогодба на Обама со Иран и противник на затворањето на озлогласениот затвор Гванатанамо на Куба.