Белорусија формира оперативна команда на границата со Украина. Белорускиот претседател Александар Лукашенко нареди итно формирање на оперативна команда на вооружените сили во украинскиот правец, пренесе агенцијата Белта.
„За жал, отворена е нова насока, како што велиме, нов фронт и мора да внимаваме. За тоа веќе разговаравме. Министерот тогаш предложи да се отвори уште една оперативна команда – на јужниот раб, во јужниот правец на нашата земја. „Тоа беше минатата година. Тогаш видовме дека треба да се направи нешто, но времето беше толку динамично, што брзо не поттикна итно да го формираме тој оперативен правец. Заедно со западниот и северозападниот, јужното крило ќе се формира“, рече Лукашенко.
Лукашенко објасни дека во Белорусија учат лекции во врска со развојот и опремувањето на нивните војници врз основа на искуството од „спроведување на руска воена специјална операција во Украина“.
Белорускиот претседател оцени дека Минск ќе се соочи со „притисок без преседан“.
Тој посочи дека вежбите на НАТО во близина на границите на Белорусија може да доведат до можни воени операции во иднина.