Документарниот филм на режисерката Медлин Саклер нуди прозорец кон Белорусија, нација потисната помеѓу Украина и Русија пишува Вол Стрит Џурнал.
Филмот на Саклер ги води гледачите кон светот на Белорусија и нејзиниот театар и служи како потсетник за ризиците уметничкиот отпор.
„Опасни дела“ ја раскажува приказната за белорускиот Слободен театар, авангардна група осудена од белоруската влада. Продажбата на билети за нивните изведби се смета за илегална економска активност, па групата е принудена да работи скришно.
Следени од Министерството за култура, голем дел од уметноста на земјата е предмет на остри цензури. Од современите драматурзи и рок-бендови, па до ТВ емисии и радио станици, Министерството сите ги санкционира.
Саклер го режираше својот филм преку веб камера за потоа да успее да ја прошверцува снимката од Белорусија. Таа всушност никогаш не стапнала во земјата.
„Опасни Дела” ги документира протестите за време на претседателските избори во декември 2010 година кога Лукашенко победи. Активисти дадоа отпор со тоа што излегоа на улиците за на крај да бидат насилно спречени од белоруската полиција. Членовите на Белорускиот Слободен театар биле повикани на испрашување и на Нова Година групата ги напуштила своите семејства зад себе и избегала од земјата.
Девет члената група неуморно се обидувала да создаде провокативен материјал што ќе ја потсети публиката на нивната секојдневна мака.
Содржината на нивната претстава се однесува на работ на животот во Белорусија, во кој лични трагедии се мешаат со создадениот национален страв.
Во сцените актерите користат балони за да ги означат истрелите од пушки за време на протестите и се покриваат со пластика кој се намалува се’ додека не снема простор за да излезат.
Тие поставуваат прашања на сцената во врска со сексуалноста, самоубиството и алкохолизмот. Токму поради ова тие се цензурирани од Министерството за култура.
„Начините кои тие ги избраа за да комуницираат со светот би можело да значи разлика помеѓу она да се биде дома со нивните фамилии и она да се биде во затвор“, рече Саклер.
Во Белорусија, КГБ присуствува на претставите на Слободен Театар, понекогаш само за да ги заплаши изведувачите, а понекогаш, настапите завршуваат со апсења. Криминалните случаи против групата натера четири члена на постојан егзил во Лондон. Но, тие не престануваат со нивната работа.
Групата сега функционира двострано, во Англија учествуваат британски и белоруски актери, а во Белорусија продолжува да се пишува, развива и вежба за нов материјал.
Слободниот театар ги турка границите бидејќи тоа е единствениот начин на кој неговите членови можат да ги изразат нивните фрустрации за рестриктивниот режим на Лукашенко.