Пратеничката Весна Бендевска, на денешната собраниска седница за администрацијата, со високи тонови до предлагачот на Законот, обраќајќи му се на пратеникот Павле Саздов, како претставник на дијаспората од САД и Канада.
-Денес ниту госпоѓата заменик министер за информатичко општество, администрација, нити било кој пратеник од ВМРО-ДПМНЕ не се јави да го говори на оваа мошне сензитивна и значајна тема.
И сега вие како избран пратеник од дијаспората сте единствениот што денес дебатира и аргументира. И немам никаква намера да ви го одземам тоа право, иако сакам да спорам околу вашата лична незапознаеност со државната и јавната администрација во Република Македонија. Простете, но не сметам дека имате доволно искуство, со оглед на тоа што доаѓате и живеете надвор од границите на Република Македонија.
Знаете ли колку е вонредно важен овој законски проект? Ако ништо друго, овој законски проект мораше да даде одговор, дека Владата има капацитет да понуди соодветно ново законско решение за администрацијата. Бидејќи, согласно пристапниот дијалог на високото ниво, обврзани сме да направиме сериозна реформа во јавната администрација.
Европската Комисија вака вели околу состојбите со јавната администрација. Многу сериозна критика. Тие се согласуваат дека треба да се донесе ново законско решение, бидејќи постојното е вели фрагментирано. Целокупната законска регулатива е фрагментирана. Што значи тоа? Ни замеруваат затоа што вработени во државен и јавен сектор на централно и локално ниво се третирани со голем број закони.
Што предизвикува оваа критика? Дозволете да ви цитирам. “Фрагментацијата го попречува собирањето на релевантни податоци за јавна администрација. Се уште не се достапни официјалните бројки на постојано и привремено вработени во јавна администрација.”
Страшно. Гледајте што ни замеруваат понатаму. “Потребни се подобрувања на политиката и борба против политизација на јавната администрација.”
Европската Комисија забележува дека се уште постојат случаи на огласи распишани по мерка, за соодветен партиски кандидат. И сега ве прашувам, вие како пратеник што доаѓа од Канада. Имате ли поим што се случува во оваа област? Имате ли соодветно искуство? Имате ли компетенција? Единствено ви е да браните нешто што ни госпоѓата предлагач не се осудува да го брани, рече Бендевска.