Во моментов нема потреба од ребаланс, бидејќи ликвидноста и приходната страна на Буџетот се попозитивни од очекуваното, смета вицепремиерот за економски прашања, Фатмир Битиќи.
Според него елспертите во моментов не размислуваат за ребаланс иако вообичаено во период дури и кога немало кризи сме имале најмалку еден ребаланс.
– Кажавме ако е потребно секако ќе влеземе во процес на ребаланс, но се уште немаме прецизирано кога би било тоа затоа што податоците за ликвидноста на Буџетот, на приходната страна во Буџетот се стабилни, дури се и попозитивни од тоа што и самите го очекувавме, рече Битиќи во одговор на прашање по денешното потпишување договор за државна помош со Дрекселмајер.
Тој посочи дека засега за управувањето со јавни финансии доволна е алатката за пренамена на буџетските средства.