Турската централна банка купи 23 тони злато во јануари, со што повторно стана најголемиот купувач на благородниот метал меѓу светските централни банки. „Турската централна банка е најголемиот купувач на злато во светот“, објави Блумберг, цитирајќи го Светскиот совет за злато (WGC).
Турција во моментов има 565 тони злато во своите резерви – што е рекордно високо ниво. Турција и минатата година беше најголемиот купувач на злато. Централната банка на земјата купи 145 тони во 2022 година, со што нејзините резерви достигнаа 542 тони.
Вкупно, централните банки на земјите ги зголемија златните резерви за 31 тон на крајот на јануари, а набавките се зголемија за 16 отсто во споредба со декември 2022 година.
По Турција, најголеми купувачи на злато во јануари беа Народната банка на Кина и Националната банка на Казахстан, кои ги зголемија златните резерви за 15, односно 4 тони.