Преминот ќе биде затворен во два наврати – од 10 до 14 часот и од 18 до 22 часот за сите видови возила поради штрајкот на грчките земјоделци.
Автомото сојузот на Македонија (АМСМ) информира дека граничниот премин „Евзони“ за влез и за излез од Грција кон Македонија денеска повторно ќе биде блокиран.
Преминот ќе биде затворен во два наврати – од 10 до 14 часот и од 18 до 22 часот за сите видови возила поради штрајкот на грчките земјоделци. Блокада на овој граничен премин имаше и во текот на изминатите денови.
Граничниот премин „Дојран“ засега останува единствениот премин на кој нема блокади и сообраќајот за влез и излез од Грција се одвива непречено.
Грчките земјоделци низ целата држава имаат поставено вкупно 14 блокади со над 6 000 трактори, од кои два се на граничните премини „Евзони“ и „Ники“. Протестите започнаа во неделата и нема информации до кога ќе траат.