Бојан Јовановски – Боки 13 кој одлежува казна затвор за случајот „Рекет“ денеска од КПД Идризово бил пренесен во градската болница „св. Наум Охридски“, објави „А1он“.
На Боки 13 му била влошена здравствената состојба, односно има хронични здравствени проблеми со желудникот.
Засега не е позната неговата дијагноза, но според неговиот адвокат Сашко Дуковски постои можност да му биде извршена и хирушка интервенција.
Претходно беше објавено дека Јовановски е преместен од полуотворениот во затворениот дел од затворот „Идризово“. Бојан Јовановски познат како Боки 13 беше осуден на девет години затвор во познатата афера „Рекет“. (Р.Н.)